Skënderbeu do të luajë në transfertë kundër Vllaznisë, ndeshje e vlefshme për javën e 23-të të Superiores. Skuadra e drejtuar nga Ilir Daja do të tentojë fitoren, megjithatë edhe ekipit të Cungut i duhen pikë pasi pozitat në renditje nuk janë të favorshme. Kampionët e Shqipërisë në 4 ndeshjet e fundit kanë realizuar 4 fitore, por ajo që bie në sy është prapavija e cila nuk ka pësuar asnjë gol. Me teknikun kryeqytetas duket se mbrojtja e korçarëve po funksionon më së miri.
Një formë të mirë po kalon edhe portieri i bardhekuqve, Orges Shehi, i cili prej 61 ditëve nuk pëson gol. Kujtojmë që goli i fundit që gardiani i korçarëve ka pësuar, ishte në ndeshjen ndaj Partizanit në Korçë, ku Ekuban arriti të realizonte dy herë në 22 dhjetor të vitit të kaluar.
Lexo gjithashtu
