Edhe pse mund të duket disi e çuditshme, Dejvi Bregu është në kërkim të një skuadre. Ai aktualisht është pjesë e Luftëtarit dhe aty pritet të qëndrojë deri në fund të sezonit. Më pas, sipas marrëveshjes së fundit nënshkruar para pak ditësh mes klubit gjirokastrit dhe atij korçar, Bregu dhe Abazaj do shkojnë te Skënderbeu.
Ndërkohë që Abazaj e ka konfirmuar diçka të tillë, Bregu nga ana tjetër ka lënë gjithçka pezull sikurse dhe klubet të cilat ende nuk e kanë bërë zyrtare këtë marrëveshje.
Së fundmi mësohet se Bregu ka nisur bisedimet me skuadra jashtë vendit, konkretisht në Qipro dhe Austri. Oferta për vlonjatin ka ardhur nga skuadra e Materssburgut në Austri, e cila e kërkon futbollistin me parametra zero.
Nuk dihet se pse është krijuar kjo rrëmujë, por duke parë se vete klubet nuk kanë publikuar diçka në faqet zyrtare, mund të mendohet se Bregu është 100 për qind lojtari i skuadrën së Luftëtarit dhe ky është në kërkim të një skuadre, sikurse flitet së fundmi.
Lexo gjithashtu
