Të gjithë jemi kurioz se kush ishte ai që hipi i pari në autobuzin e Kombëtares pas ndeshjes për të shkuar në hotelin “Golden Tulips” në Lyon dhe kush ishte i fundit që nuk i bënin këmbët të hipte, pasi ishte ende duke festuar.
Na ka ndodhur të gjithëve kur jemi të mërzitur, duam të largohemi sa më shpejtë nga një vend nga i cili ne nuk kemi lënë gjurmë, e njëjta histori ka ndodhur mbrëmë me mesufshorin Taulant Xhaka. Përkundër atyre që deklarohen në media, që ai ishte i sëmurë me temperaturë ndaj nuk u bë pjesë e 18-shes, ai mbrëmë ka qenë si kokrra e mollës. Por, detaji më i madh i vënë re nga i dërguari ynë në Lyon, ka qenë se ai nuk ka folur asnjë fjalë me trajnerin e Kombëtares përgjatë gjithë kohës që kuqezinjtë ishin duke festuar.
Gjesti i bërë nga Xhaka në momentin e zëvendësimit në takimin e Lensit kundër Zvicrës, solli përplasje mes trajnerit dhe lojtarit, ndërsa kjo u thellua pas humbjes me Francën. Situatë kaotike mes trajnerit dhe lojtarit, çka solli përjashtimin e tij nga lojtarët që duhet të ishin prezentë kundër Rumanisë.
…sa i përket lojtarit të fundit që u fut në autobuzin e Kombëtares, është qendërmbrojtësi Mërgim Mavraj, i cili u pa gjatë gjithë kohës duke kënduar e duke qeshur për fitoren me Rumaninë.
