Trajneri i Kosovës, Bernard Challandes ka dalë në konferencën e zakonshme për shtyp, në prag të takimit të nesërm shtëpiak ndaj Gjeorgjisë, për kualifikueset e Botërorit 2022. Numri një i pankinës u shpreh i kënaqur me skuadrën, por aspak me paraqitjen e fundit ndaj Suedisë.Challandes tha se nuk i trembet shkarkimit, e nëse një gjë të tillë e shikojnë të arsyeshme drejtuesit e Federatës së Futbollit të Kosovës, mund ta bëjnë.
"Nuk mund të them se jam i kënaqur me paraqitjen që ka pasur ekipi ynë. Kemi biseduar me futbollistët dhe besoj e shpresojë që do t'i eliminojmë ato gabime që kemi pasur për ndeshjen ndaj Gjeorgjisë.Sa i përket Lirim Kastratit është 100 për qind i gatshëm dhe është pjesë e ekipit për ndeshjen e nesërme.
Unë jam i kënaqur me këtë ekip dhe kurrë nuk frikësohem nga shkarkimi, nëse Federata e sheh të arsyeshme, atëherë në rregull por nëse e sheh të arsyeshme për të vazhduar bashkëpunimin, nuk ka problem.
Prej ditës së parë kur kam firmosur kontratën e kam pasur të qartë se çdo ditë është mbijetesë. Unë kam mbijetuar ditë pas dite, ndeshje pas ndeshjeje" - tha ai.
Lexo gjithashtu
