Erzeni është një nga skuadrat që nuk ka nisur ende me punën për sezonin e ri. Nuk dihet ende se kush do të marrë përsipër shijakasit në sezonin e ri, teksa ditët e fundit kanë qenë shumë shqetësuese për të gjithë tifozët. Para ca ditësh u përfol se Erzeni nuk do të ishte pjesmarrës në Superiore, por klubi siguroi tifozët që janë një prej skuadrave që do të jenë protagonistë në elitë në sezonin 2023-2024. Ndërkohë një tjetër njoftim i rëndësishëm është bërë në rrjetet sociale nga klubi, tkesa drejtuesit ftojnë tifozët që ditën e nesërme në orën 20:00 në “Tofik Jashari” të ketë një takim mes tyre. “Nesër në orën 20:00 në stadiumin “Tofik Jashari” janë të ftuar të gjithë tifozët në një takim me drejtuesit!”, shkruajnë shijakasit. Kujtojmë se tifozët shijakas kanë qenë një nga tifozeritë që nuk kanë munguar në asnjë stadium në sezonin që kaloi, duke qenë lojtari i 12-të i Erzenit.

 

View this post on Instagram

 

A post shared by KF Erzeni (@kferzeni)