Milan fitoi ditën e djeshme ndaj Empolit me shifrat 3-0. Një fitore e rëndësishme për kuqezinjtë të cilët e nisin vitin 2024 me rezultat pozitiv, por jo vetëm kaq, pasi vazhdojnë me rezultatet pozitive në kampionat.
Pas këtij triumfi, Stefano Pioli ka theksuar se tashmë skuadra e tij ka “shkelmuar” momentin e keq. Ndërkohë nga ana tjetër timonieri i italianëve thekson se këtë sezon duan Kupën e Italisë.
“Mendoj se e kemi lënë momentin negativ pas vetes. Por është e kotë të mendojmë se çfarë mund të kishim bërë sepse ka ende shumë ndeshje dhe shumë mundësi që edhe ky sezon të jetë pozitiv”.
“Ne po rritemi dhe po luajmë në një nivel të mirë. Tani kemi Atalantën në Kupë, një kompeticion që na intereson dhe do të japim më të mirën tonë”, tha Pioli.
Kujtojmë se Milani në mesjavë do të luaj në “San Siro” me Atalantën në kuadër të çerekfinales së Kupës së Italisë.
Lexo gjithashtu
