Katër ditë më parë, Flamurtari luajti në transfertë kundër Skënderbeut, takim i cili u mbyll me fitoren e korcarëve me rezultatin minimal 1-0. Një ditë para se takimi të luhej, trajneri Shpëtim Duro doli në konferencë për shtyp para mediave, ku deklaroi se klubi kishte bërë shkresë për t'u mos gjykuar nga Eldorian Hamiti dhe Juxhin Xhaja.
Me nota fyese, tekniku i kuqezinjve deklaroi se skuadra e tij gjithmonë ishte penalizuar nga këta gjyqtarë. Pikërisht për këtë ka reaguar "Shoqata e Arbitrave" përmes një komunikate në kanalin zyrtar të FSHF-së, ku shkruhej se komisionet përkatëse duhet të merrnin masa pasi ishte e disata herë që Duro bënte këtë veprim.
Lidhur me këtë ka reaguar sërish trajneri i vlonjatëve, i cili nu ka ngurruar t'i quajë këta të fundit rrogëtarë. Ai është justifikuar me pjesën që në 20 vjet karrierë nuk ka marrë asnjë dënim dhe se gjithmonë është mbëshetur nga figura të shquara, sikurse ka ndodhur dhe këtë herë.
Ndë të tjera Duro është shprehur se, me rëndësi për të ka opinioni i figurave të njohur dhe se dënimi që mund t'i japin rrogëtarët për të nuk ka asnjë rëndësi.
Lexo gjithashtu
