Janë luajtur ditën e sote pesë sfida të vlefshme për javën e 17-të të ligës së parë të Maqedonisë së Veriut. Kryendeshja e kësaj jave ishte derbi i shqiptarëve Shkupi – Shkëndja.
Ekipi i Shkupit fitoi supersfidën me rezultatin minimal 1-0. Golin e vetëm të kësaj sfide e shënoi Trapanovski në minutën e 37’ të ndeshjes. Me këtë fitore Shkupi merr vendin e parë me 35 pikë, ndërsa tetovarët zbresin në vendin e 3-të me 32 të tilla.
Struga në krahun tjetër merr një fitore të rëndësishme 3-2 përballë Tikves duke marë vendin e dytë me 33 pikë. Ekipii Shëptim Duros përmbysi disavantazhin e 2 golave. Ndërsa Gostivari barazoi 1-1 me Sileks.
Në ndeshjet e tjera Bregalnica Stip barazoi 2-2 me Voska Sport, ndërsa Rabotnicki fitoi minimalisht 1-0 përballë Brera Strumica.
Lexo gjithashtu
