Teuta zhvilloi dje përgatitjet e fundit për ndeshjen e sotme ndaj Egnatias në orën 15:00 në Rrogozhinë për javën e 8 të Abissnet Superiore. Trajneri Shkëmbi në konferencën e djeshme bëri të ditur se kishte dy shqetësime për mungesat e mundshme dhe do të shihej nëse do ja dilnin.
Dyshimet e Shkëmbit ishin te sulmuesi Lorenco Vila dhe mbrojtësi Harallamb Qaqi. Vila i vogël, pësoi një dëmtim ndaj Luzit në Kupë por tashmë ia ka dalë ta hedhë pas dhe do të jetë në fushën e Egnatia Arena për të ndihmuar ekipin e tij në fitoren e parë.
Mungesa e sigurt është ajo e Harallamb Qaqi, mbrojtësi ishte kthyer në stërvitje para pak ditësh por përsëri nuk ia ka dalë të jetë gati. Mbrojtësi vijon terapinë riaftësuese për dëmtimin e pësuar pak javë më parë.
Lexo gjithashtu
