Ballkani arriti një sukses historik për futbollin kosovar me kualifikimin në grupet e Conference League. Kampionët e Kosovës e nisën rrugëtimin në kualifikueset e Champions League ku u mposhtën nga Zalgiris për të vazhduar më pas në Conference League ku kaluan tLa Fiorita, Kaksvik dhe Shkupin për t’u futur në grupet e këtij kompeticioni.
Veç prestigjit që ka fituar dhe krenarisë që i ka dhënë futbollit kosovar, Ballkani ka marrë edhe një benefit tepër të rëndësishëm, atë në aspektin financiar. Dardanët moren 400 mijë euro nga raundet paraeliminatore dhe futja në grupe i dha 3 milionë euro më shumë. Po ashtu kampionët e Kosovës morën dhe 115 mijë euro nga koeficienti dhjetëvjeçar i UEFA-s.
Sipas bonuseve të UEFA, barazimi në grup përkthehet me 166 mijë euro shpërblim ndërsa fitorja me 500 mijë euro. Ballkani regjistroi 1 fitore, 1 barazim dhe 4 humbje, pra 666 mijë euro që i shtohen shifrës përfundimtare prej 4 milionë e 181 mijë eurove vetëm nga shpërblimet e UEFA.
Lexo gjithashtu
