Festa e kualifikimit në raundin e tretë të Conference League ka mbaruar te Teuta.
Skuadra durrsake ka zbritur ditën e sotme në fushë për të nisur përgatitjet për ndeshjen e radhës, në transfertën irlandeze përballë Shamrock Rovers.
Trajneri, Edi Martini e kishte grupin e plotë dhe shpreson për një rezultat pozitiv në sfidën e vajtjes, programuar për tu luajtur më 5 gusht. Futbollistët janë shfaqur të lumtur në fushën e blertë, çka tregon situatën e mirë që mbizotëron te ekipi i "djemve të detit".
Fitorja ndaj Inter Eskaldes në Andorra duket se ka shtuar dozat e optimizmit tek ta, që këtë herë dëshirojnë të shkruajnë historinë, duke tentuar grupet e turneut më të ri të UEFA-s, Conference League.
Poll
Lexo gjithashtu
