Dinamo do luajë në Kategorinë e Parë sezonin e ri. Blutë nuk ia dolën të mbijetonin në elitë, duke bërë ndryshime të rëndësishme në ekip. Të shumtë janë titullarët që kanë gjetur akordin e largimit, ndërsa Eni Imami do jetë kapiteni i ri i skuadrës.
Mbrojtësi ka kontratë me klubin dhe prej 10 ditësh është nën urdhërat e Nevil Dedes. Nëndetësja kërkon një paraqitje të mirë në të Parën, duke dashur që pas një sezoni të jetë pjesë e Superligës.
Dinamo pas pak ditësh udhëton drejt Pogradecit, aty ku do zhvillojë një fazë intensive përgatitjesh, teksa ka gjetur edhe kushtet e duhura klimaterike.
