Salzburg zhgënjen në kampionat, por Soriano zhvendos vëmendjen

Në dy ndeshjet e para në kampionatin austriak, Salzburg ka marrë vetëm 1 pikë. Ka shënuar dy gola dhe ka pësuar katër, por për kapitenin Xhonatan Soriano ka një justifikim momental, i cili është më i rëndësishëm se kampionati, kalimi i raundit të tretë eliminator të Champions League.

Ai zhvendos vëmendjen te Partizani, ku kërkon përqendrim maksimal ndaj kundërshtarit, që edhe pse e mundën 1-0 një javë më parë, sërish të mërkurën në mbrëmje dëshirojnë që ta kalojnë me sukses.

“Nuk jemi shumë të mërzitur, asgjë nuk ka ndodhur. Thjesht, kemi zhvilluar dy ndeshje. Sigurisht, nuk kemi bërë nisje të mirë të sezonit, por na duhet që të jemi të qetë përball Partizanit, sfidë që duhet që ta kalojmë me sukses”.