Armando Sadiku është shfaqur mbrëmjen e sotme ndryshe nga jemi mësuar ta shohim herët e tjera. Ai mban veshur një kostum, ku duket që do të marrë pjesë në një eveniment. Elbasanasi ka postuar në “Instagram” një foto të tijën, me kostumin e stiluar nga Altin Mici. Ai shkruan “Top Aëards”, ku mesa duket është i ftuar për të marrë çmimin special për atë gol historik. Sulmuesi do të mbahet mend shumë gjatë për atë gol të shënuar në ndeshjen me Rumaninë, duke marrë një fitore historike. Ishte goli i parë për të në një kompeticion të tillë, por edhe goli i parë për përfaqësuesen kuqezi.
