Roma gjen zëvendësuesin e Antonio Rudiger, qendërmbrojtësit që kaloi nga verdhekuqtë te Chelsea për 40 milionë euro.
"Gazzetta dello Sport" raporton se Roma është në bisedime me Schalke 04 për të blerë mbrojtësin serb, Matija Nastasic.
24-vjeçari shihet si pasuesi i qendërmbrojtësit gjerman, ndërsa Roma do të duhet të paguajë 12 milionë euro për Nastasic.
Akordi thuhet se është arritur mes dy klubeve, ndërsa mbrojtësi serb pritet që gjatë ditëve në vijim të udhëtojë drejt kryeqytetit të Italisë për të firmosur me Romën.
Nastasic ka edhe një vit kontratë me Schalke 04 dhe klubi gjerman nuk do të rrezikonte që 24-vjeçari të largohej me parametra zero verën e ardshme. Ndaj, pritet që të klubi gjerman të pranojë ofertën e Romës për lojtarin serb, i cili në të shkuarën ka qenë pjesë e Fiorentinës në Serinë A, Manchester Cityt në Premier League dhe Partizanit të Beogradit në Serbi./ NEWSPORT.AL
Lexo gjithashtu
