Lidhja shqiptaro-skoceze eshtë ende e vecantë për legjendën keltike, Rudi Vata, gati 22 vite me pas, shkruan Andrew Smith, gazetari që ka intervistuar një prej legjendave të futbollit shqiptar, që ka bërë 59 ndeshje me kombëtaren shqiptare, vetëm një ditë përpara sfidës Suedi-Shqipëri për Ligen e Kombeve.
Luante me Shqipërinë në mars 1991 dhe Rudi Vata, I lënduar, vrapoi në tunel në Park de Princes vetëm me 50 dollarë në xhep, dhe kërkoi menjëherë azil politik. Atëherë, 22 vjeç nuk ishte asnjë dyshim se do të fillonin mundësitë, apo aventurat e lirisë, të mohuara në vendin e tij.
“Kisha një plan” tha ai ditën tjetër. “Nuk ishte I shkruar, por ishte dicka që e kisha përbrenda që kur isha fëmijë. Nuk ishte faji im që kisha lindur dhe isha rritur në diktaturë, por ishte faji im që nuk bëja dicka për ta ndryshuar. Nuk është faji im se linda në vardëri, por do të ishte faji im nëse do të vdisja I varfër“.
Vata tani jeton në një jetë luksi në Hamilton, në qytetin Lanarkshire ku u vendos për herë të parë pasi firmosu me Celtic në 1992 në fillim të karrierës së tij pasi kaloi 6 shtete në fakt. Ai është I pasur tashmë jo vetëm në terma monetare, por edhe në përvojën jetësore.
Gruaja e tij, Anne Frances dhe djemtë Ruani, 16 vjec dhe Rocco 13 vjec, po ndjekin akademinë në Celtic. Por sic thotë Vata në një transmetim televiziv, nuk ka dyshime. “100 milionë përqind uroj që Shqipëria të fitojë ndeshjen” tha ai për vendin që përfaqësoi në 59 takime gjatë 11 viteve.
Vata, nuk harron të komentojë edhe politikën në këtë intervistë për median skoceze: “Mund të ketë ndryshuar, por vuan nga qeveri e dobët, sepse mund të jesh politikan, vetëm nëse je I korruptuar“.
Pas ardhjes së demokracisë, Vata u kthye në garën ndërkombëtare, 18 muaj pasi ishte fshehur në Francë duke luajtur për ligën Le Mans dhe Tours, më të ulta në kategori. Iu refuzua azili pasi si futbollist nuk konsiderohej se ishte keqtrajtuar apo diskriminuar.
Në vitin 1995, nën menaxhimin e Tommy Burns, ai u paraqit në kupën Skoceze të klubit. Një fitore që ngriti peshë klubin pas gjashtë sezonesh pa fitore. Ai u bë ndër shqiptarët e parë që mori një vend në Ligën e Evropës Perëndimore. “Nuk e di cdo të thotë për këdo në vendin tim, por e di shumë mirë se çfarë do të thotë për mua” thotë ai. “Nuk e dija sesa shpejt do të ecnin gjërat, por unë firmosa për një nga klubet më të mëdha në UK dhe më pas fituam kupën. Ajo që më ndodhi mua atëkohë, si një shqiptar, ishte një situatë që thuajse dukej e pamundur“.
Ai tregon eksperiencën e mevonshme me klubin qipriot dhe më pas në Gjermani. Ai gjithashtu ka jetuar në Tokio, ndërsa flet për një eksperiencë fantastike, derisa u tërhoq për tu bërë agjent sportive për Partizanin apo Tiranën në superligën shqiptare.
“Isha serioz në atë që bëja, isha I disiplinuar, luaja sipas rregullave, kam bërë ç’më është kërkuar dhe kam punuar më shumë se kushdo tjetër. Në Gjermani, kam punuar 30% më shumë sesa çdo lojtar tjetër vendas sepse ndryshe, pse do të merrnin ata një shqiptar? Në Japoni, puna ishte më e madhe. Në Tokio, një qytet me 20 milionë banorë dhe pa krim? Si mund të ndodhte? Sepse është ndryshe nga cdo vend tjetër, modern, I pastër, I mrekullueshëm, me njerëz që punojnë nga orët e para të mëngjesit deri në mbrëmje dhe tregojnë respect ndaj teje. E dija se shumë lojtarë do të gjenin një vend për tu vendosur për karrierën e tyre, por që do të ishte edhe e vështirë sepse nuk mund të adaptonin kulturat e reja apo gjuhën. Por për mua, kjo ishte rruga e duhur për të më hapur sytë“.
Vata e shihte veten mes dy botësh për të edukuar fëmijët e tij. Ata ndoshta nuk vlerësonin sakrificat e tij për karrierën futbollistike, dhe për familjen e tij. “Duhet të përgatiteni për të vuajtur, miq” thotë ai. “Të japësh më shumë se mendon se mund të japësh. Nuk shkoja në party, nuk abuzoja me trupin tim dhe akoma nuk e bëj. Trajnohesh, punon, punon fort. Të rinjtë e kanë më të thjeshtë. Ua them djemve se duhet të mendoja jo vetëm për veten, por edhe për nënën e babain dhe për vëllain tim. Duhet të rregulloja vizat e tyre, udhëtimin, tu bleja shtëpitë, të sigurohesha që ata ishin OK. Djemtë e mi do mendojnë vetë për këtë“.
Tani Vata I ka përqëndruar energjitë e tij në agjencinë e vet të futbollit. Interesi I 49 vjecarit është inspiruar nga talenti I djalit të tij Rocco. “Nuk mendoj se ai ia del vetëm, por shumë të tjerë më thonë po. Ai ngrihet cdo mëngjes në orën 7 dhe kthehet cdo mbrëmje në orën 19.00, por edhe kjo nuk është ndonjë sakrificë e madhe. Duhet të bëjë cdo gjë që mundet. Shikoni Kristiano Ronaldon. Në moshën 33 vjecare firmos me Juventusin për aq shumë lekë sepse ka punuar më shumë se cdo lojtar tjetër në histori dhe vazhdon të bëjë të njëjtën gjë, edhe pse është një multimilioner dhe ka marrë gjithcka duhet.Dhe të mendosh se nuk ishte në Top Lojtarët në Portugali“.
Duke u rikthyer tek ndeshja thotë: “Njerëzit më kërkojnë parashikimin e rezultatit, por unë nuk jam magjistar. Shqipëria nuk është me e keqja, por as Skocia më e mira. Do të ndodhë sa I përket organizimit, punës së madhe, dhe ekipit që bën më pak gabime” thotë Vata per median skoceze. /Newsport.al/
Loading ...
