Kukësi pret sot në 15:00 Partizanin, për javën e pestë në Superligë. Dueli mes rivalëve vjen falas në RTSH. Televizioni publik ka përzgjedhur këtë duel të rëndësishëm për t’u transmetuar për të gjithë dashamirësit e futbollit shqiptar.
Në RTSH Sport, duke nisur nga 15:00 tifozët do kenë mundësi për të ndjekur këtë duel të rëndësishëm drejtpërdrejt nga “Kukës Arena”. Pas disa vitesh mungesë, futbolli shqiptar rikthehet në RTSH këtë sezon me ndeshjen më të fortë të javës.