Janë luajtur ditën e sotme 3 ndeshjet e javës së 15-të të Superligës së Kosovës. E gjithë vëmendja padyshim ishte përqendruar te Gjilani-Drita që jo vetëm është derbi, por luani gjithashtu vendi i parë me vendin e dytë.
Sfida u mbyll më rezultatin minimal 1-0 për Gjilanin, falë golit të shënuar nga Dabiqaj në pjesën e dytë. Me këtë fitore, skuadra e drejtuar nga Ismet Munishi “arratiset” në krye me 28 pikë, ndërsa Drita në vendin e 3-të me 25 pikë.
Në dy ndeshjet e tjera, Ballkani u rikthye te fitorja pasi mposhti Malishevën në shtëpi me rezultatin 2-0. Rrahmani dhe Krasniqi shënuan për vendasit në pjesën e dytë dhe me këtë fitore, Ballkani shkon në vendin e 2-të me 27 pikë.
Fitore të rëndësishme mori edhe Llapi në transfertë 3-5 ndaj Drenicës. Një ndeshje që prodhoi plot 8 gola, por në fund ishin miqtë që dolën me 3 pikë dhe tashmë renditen në vendin e 4-të me 24 pikë.
Gjilani-Drita 1-0
Ballkani-Malisheva 2-0
Drenica-Llapi 3-5
Lexo gjithashtu
