Milan do të luajë sot në një sfidë delikate kundër Atalantës. Takimi do të zhvillohet në 20:45 në “San Siro”. Kjo ndeshje e gjen Milanin në një moment të mirë pas dy fitoresh rradhazi në kampionat dhe pas fitores në ndeshjen e parë në Champions kundër Tottenham.
Atalanta nga ana tjetër vjen pas një humbjeje në shtëpi ndaj Leçes dhe sot kërkon me patjetër tre pikët, pasi kështu do të mund të jetë pjesë e katërshes në Champions League.
Pioli dhe Gasperini do të zbresin në fushë me 11-shen më të mirë në dispozicion. Bie në sy rikthimi i Maignan në portën e Milanit pas një mungese në fushat e lojës që nga tetori.
Formacionet Zyrtare
Milan (3-4-2-1) Maignan: Kalulu, Thiaw, Tomori; Messias, Krunic, Tonali, Hernandez; Diaz, Leao; Giroud. Trajner: Stefano Pioli
Atalanta (3-4-1-2) Musso; Toloi, Djimsiti, Scalvini; Zappacosta, De Roon, Koopmeiners, Maehle; Ederson; Lookman, Hojlund. Trajner: Gian Piero Gasperini
