Hamilton regjistron rekord, Ferrari vazhdon zhgënjimin

Piloti britanik Lewis Hamilton arriti që në fund të provave zyrtare në pistën e Silverstone të sigurojë vendin e parë për garën që do të zhvillohet nesër për Çmimin e Madh të Britanisë. Paraqitje dinjitoze në shtëpinë e tij, ndërsa regjistroi kohën më të shpejtë, 1’29”287. Pas tij u rendit shoku i skuadrës Rosberg, ndërsa vendin e tretë e mori Max Verstappen me Red Bull, i cili pas tij la shokun e skuadrës Daniel Riçiardo.

Lewis Hamilton gjatë provave në pistën Silverstone

Zhgënjejnë sërish dy makinat Ferrari, të cilat u renditën në vendin e pestë dhe të gjashtë me Kimi Raikkonen dhe Sebastian Vettel. Por, ky i fundit do ta nisë garën nga vendi i 11, sepse bëri ndërrimin e kambios gjatë garës.

Kjo është hera e katërt që Lewis Hamilton regjistron kohë rekord në pistën e Silverstone, ndërsa e kanë ndjekur dhe përkrahur shumë tifozë, të cilët ishin të pranishëm gjatë periudhës së provave sot.