Antonio Cassano është i njohur në mediat italiane për polemikat e tij me lojtarë apo trajner të ndryshëm. Së fundmi në shënjestrën e tij ka qenë tekniku i Romës, Jose Mourinho. Për Cassanon, “The Special One”, nuk mund të konsiderohet fare si një nga trajnerët më të mirë. Megjithëse ka fituar dy herë Champions League dhe kampionate në liga të ndryshme, Mourinho është një “mjeshtër i manipulimit të mediave” për ish lojtarin e Romës.
“Mourinho nuk ka qenë kurrë një trajner i madh, ai thjesht ka ditur të luajë me median dhe është një komunikues i mirë”, thotë Cassano. “Ai di se si të merret me lojtarë të fortë, por jo me ata që janë me të vërtetë të mirë. Është shumë e thjeshtë të jesh thjesht miqësor me lojtarë të mëdhenj.”
“Është vetëm katastrofë pas katastrofe për Romën. Ai i bëri ata të shpenzojnë para për Nemanja Matiç dhe Rui Patricio, ishin vendimet e tij. Ditën tjetër performanca e tyre më bëri “të sëmurë”. Ai nuk di se si të ndërtojë një ekip. Edhe me ekipin zinxhirë duhet ta mundësh Cremonese-n.”
Lexo gjithashtu
