Vllaznia u mposht me rezultatin 0-2 në shtëpi përballë Egnatias. Në sfidën e javës së 6-të të superiores, shkodranët marrin një humbje të hidhur në “Loro Boriçi”.
Pas kësaj sfide, për mikrofonat e MCN TV, foli trajneri i Vllaznisë, Migen Memelli.
“Ajo që nuk menaxhuam ishin minutat e para të pjesës së dytë. Ndeshja u vendos nga epsiodet. Por edhe ai gabim i minutave të fundit që mund të na kishte lënë një fije shprese”, tha Migen Memelli.
-Arbitrimi?
“Do t’i diskutoje Bujari në studio, nuk kam asgjë për të thënë për këtë”, shtoi Memelli.
“Ajo çfarë duhet të bëjmë është të qetësohemi pasi kemi një ndeshje tjetër javën e ardhshme. Të mundohemi të rikuperojmë lojtarë dhe të kemi një kontigjent më të plotë. E vetmja që duhet të marrim nga kjo ndeshje janë episodet ku gabuam. Është e vështiër të shprehesh në detyra sulmuese kur ke një lojtar më pak. Për shumë minuta përballë një kundërshtari shumë të fortë, bëmë mirë. Ne e filluam mirë për hirë të së vërtetës. Kemi qenë goxha agresivë. Nuk ka më çfarë të marrësh nga ndeshja, sepse me rezultat 0-2, nuk mund të mendosh të kthesh ndeshjen përballë një kundërshtari të tillë”, u shpreh trajneri i Vllaznisë.
