Redi Vogli është një nga ikonat e basketbollit tiranas dhe jo vetëm. Shtatlarti i Tiranës është edhe benjamini i tifozëve me të cilët ruan një lidhje të ngushtë prej vitesh. Tirana e tij sot fitoi përballë Besëlidhjes në finalen e 4-të duke barazuar rezultatin e përgjithshëm në 2-2.
Tani ata kërkojnë përmbysjen e madhe në finalen e 5-të ku do të tentojnë titullin kampion për herë të 21-të. Pas ndeshjes, autori i 11 pikëve sot, foli për mikrofonin e RTSH Sport.
“I falenderoj të gjithë tifozat e Tironës që na kanë mbështetur në këto dy ndeshjet e fundit të Play-Offit, pa ata nuk do ia kishim dalë. Është 100% e sigurtë kjo që them sepse ato na japin një fuqi të jashtëzakonshme, një moral që 2 ndeshjet e para nuk e kishim.
Shpresoj që finalen e pestë të jenë akomë më të shumtë, i bëj thirrje të gjithëve të vijnë të na mbështesin pasi fanella e Tiranë nuk duhet vetëm djerësitur por edhe mbështetur. I uroj fitoren ekipit tim dhe me shpresën e Zotit, të fitojmë kampionatin.”-tha Vogli.
Lexo gjithashtu
