Reagon dhe Mirel Josa pas dënimit të Skënderbeut: Këta persona duhen dënuar

Pas vendimit që është marrë nga EUFA për pezullimin me 10 vjet të skuadrës së Skënderbeut nga Europa dhe një gjobë 1 milion euro, ka reaguar dhe ish-trajneri i klubit korçar, Mirel Josa që aktualisht është trajner i ekipit të Prishtinës në Kosovë.

Në prononcimin e dhënë për Insporti.com, Josa shprehet se vendimi i fundit i UEFA-s është një lajm i keq për futbollin shqiptar në veçanti dhe se vendimi kundër ekipi korçar ka tronditur jo pak teknikun, i cili specifikon se, nëse UEFA ka fakte për ato që ka konfirmuar ditën e sotme, atëherë duhet shikuar kush janë ata njerëz që kanë vepruar kundër ligjit.

Prononcimi i Mirel Josës lidhur me vendimin e UEFA-s ndaj Skënderbeut:

“Ndihem shumë, shumë keq për këtë lajm. Vërtet jam i shokuar dhe nuk kam koment. Ka dy vjet që jam shkëputur me Skënderbeun. Sidoqoftë, ky lajm është shumë i keq. Nëse UEFA vërtet ka fakte për ato që i ka thënë, atëherë duhet shikuar kush janë ata njerëz që kanë vepruar kundra ligjit. Kjo është një gjë shumë e keqe për futbollin në përgjithësi, e për futbollin shqiptar në veçanti”, është shprehur Josa.