Qindra tifozë kuqezi në stërvitjen e parë në Francë

Kombëtarja shqiptare e futbollit ka hapur dyert për tifozët e shumtë të pranishëm në qendrën stërvitore në  “Yvves Jannou”. Ka qenë tekniku De Biassi ai që ka programuar dhe lejuar praninë  e tifozëve në tribunat e stadiumit. Rreth 250 tifozë kanë qënë të pranishëm, ku nuk kanë ngurruar të mbështesin yjet e kombëtares me brohorima dhe thirrje.

Futbollistët e Kombëtares duke pozuar me tifozët kuqezi

Padyshim  që ata ju janë nënshtruar kontrolleve të imtësishme përsa i përket sigurisë, pasi siguria dhe frika nga sulmet terroriste do të jenë kryefjala e këtij Europiani. Në fund të seancës stërvitore futbollistët kanë dhuruar autografe për tifozët e pranishëm,ndërsa  Federata Shqiptare e Futbollit ka shpërndarë bluza dhe flamuj  me simbolet e Kombëtares.