Flamurtari luan sot ndaj Luftëtarit me një mungesë të rëndësishme. Agustin Torassa nuk do të jetë i gatshëm për vlonjatët për sfidën e tretë të sezonit të ri. Dëmtimi në fitoren me Kukësin nuk ka qenë i lehtë dhe për këtë gjë tekniku Ilir Daja duhet të bëjë llogaritë ndryshe ndaj gjirokastritëve.
Mesfushori me tipare sulmuese është një nga përforcimet më të rëndësishme të bregdetarëve këtë sezon dhe roli i tij në skuadër është i madh. Megjithatë Daja dhe stafi i tij teknik e kanë të qartë se me cilin formacion do të nisin takimin e sotëm.
11-shja e Flamurtarit supozohet të jetë kjo: Koliçi, Siljanovski, Pollozhani, Alla, Kotobelli, Batha, Useini, Deliaj, Musta, Hyseini dhe Bushic.
Takimi luhet në Gjirokastër në orën 16:45.
Loading ...
