Titulli i sezonit 2015-2016 i është rikthyer sërish Skënderbeut. CAS-i vendosi, që ky trofe i mbetur pezull pas vendimit të Federatës Shqiptare të Futbollit për t'ia hequr bardhekuqve, t'i kthehet sërish korçarëve.
Për këtë newsport.al kontaktoi presidentin e Skënderbeut, Ardjan Takajn i cili u shpreh mjaft i lumtur për këtë vendim që sipas tij ishte i drejtë.
"Sigurisht që ky lajm për rikthimin e titullit të vitit 2015-2016 na ka lumturuar të gjithëve. Ishte një titull dhe kampionat të cilin skuadra ka fituar me shumë mund dhe meritë dhe ne si klub e kemi patur detyrim ta rikthejmë këtë titull në Korçë. Numri 13 ka qenë dhe mbetet numri jonë me fat, diçka e tillë u konfirmua dhe ditën e sotme me këtë lajm të gëzueshëm".
I pyetur se a pritet dhe a shpresohet të ndodhë e njëjta gjë dhe me pezullimin nga UEFA me 10 vjet nga kompeticionet europiane dhe gjobën 1 milionë euro, "numri 1" i klubit të Skënderbeut është shprehur:
Më pas, kreu i klubit korçar u pyet për vendimin e UEFA-s, ku Skënderbeu u dënua me 10 vite pezullim dhe gjobë 1 milionë euro. A shpresohet që vendimi të ndryshojë në CAS ashtu si ndodhi edhe me titullin? Për këtë presidenti Takaj u shpreh:
"Sigurisht që po, ne besojmë dhe do këmbëngulim deri në fund për të rikthyer atë që na takon. Studiot tona ligjore po punojnë dhe presim shumë shpejt të marrim lajmin e madh. Do t'i shkojmë deri në fund kësaj çështje dhe nuk do tolerojmë asnjë vendim tjetër", përfundoi për newsport.al kreu i klubit bardhekuq.
Lexo gjithashtu
