Menjëherë pasi deklaroi se çështjen e lojtarit të tij Elton Kale do ta dërgonte në FIFA dhe CAS, Florin Biba ka reaguar për "newsport" duke saktësuar se kontradikta e tij dhe lojtarit nuk është me Kukësin, por me FSHF-në që nuk i jep zgjidhej përfundimtare problemit dhe e mban pezull.
"Nuk kam gjë me ekipin e Kukësit personale po me federatën që i lë vendimet pezull në tymnajë. Unë kam parë kontratën e lojtarit dhe afati i kishte kaluar. Kam konsideratë për Kukësin sepse kam bashkëpunuar me lojtarët si: Bakaj, Zguro,Plaku dhe Dzarian që i kualifikoi në raundin e dytë të Champions League, por mendoj se është një ngërç midis juristit të Kukësit dhe lojtarit që nuk janë marrë vesh për kontratën.Gjithësesi unë menaxher jam, ndjek të drejtën. Dhe n.q.s. lojtari i takon Kukësit dhe kthehet nuk ka problem. Nuk e kam krijuar unë problemin. E vemtja gjë që kam kërkuar nga federata është se përse federata ka kërkuar një kontratë që është jashtë afateve kohore", deklaron Biba.
Lexo gjithashtu
