Partizani do të përballet në këtë javë të 26-të të Superligës kundër Korabit, ndërsa mbrojtësi Renato Malota ka qenë sot pjesë e një konference për shtyp.
Qendërmbrojtësi i të kuqve ka folur për takimin e radhës në kampionat, por edhe për sfidën që do të luhet sot në Korçë mes Skënderbeut dhe Kukësit.
"Për ne, të gjitha ndeshjet duhen vlerësuar , pak rëndësi ka se kë kemi përballë Korabin apo kundërshtarë të tjerë , ne të shtunën duhet të hyjmë në fushë për të bërë detyrën dhe të marrim maksimumin e pikëve.
Do të kemi mungesa për këtë takim, por e them me bindje se Partizani ka luksin pasi disponon një organikë mjaft cilësore dhe mendoj se edhe mungesat nuk do të ndihen në fushë. Përsa i përket ndeshjes Skënderbeu–Kukësi mendoj se çdo rezultat do të jetë në favorin tonë.
Për ne e rëndësishme është fitorja në këtë 90 minutësh pak rëndësi ka kush do të shënojë, jo vetëm unë por të gjithë lojtarët që hyjnë në fushë synojnë të japin më të mirën për ekipin. Eshtë ende herët për të folur për përballjen tone me Skënderbeun, ne i përgatitim ndeshjet një nga një , nesër luajm ndaj Korabit, pas këtij takimi do të fillojmë të mendojmë për ballafaqimin e radhës me Skënderbeun.
Shpresojmë që në përfundim të fazës së tretë të jemi në krye të klasifikimit, por e theksova edhe më parë që ndeshjet i vlerësojmë një e nga një dhe në fund të jemi ne fituesit e titullit. Nuk jam penduar aspak që kam zgjedhur Partizanin pasi jam pjesë e ekipit më të madh në Shqipëri dhe besoj shumë që në fund të kampionatit do të jemi ne kampionët e vendit", tha Malota në konferencën e sotme për shtyp.
Lexo gjithashtu
