Tijjani Reijnders është një ndër afrimet e Milanit këtë merkato. Drejtuesit besuan te cilësitë e tij për të zëvëndësuar të larguarin Sandro Tonalin i cili u shit për 80 milionë euro te Neëcastle. 25-vjeçari holandez u ble për 20 milionë euro plus 5 bonuse nga AZ Alkmaar dhe debutoi me fanellën kuqezi në miqësoren ndaj Real Madrid.
Në një intervistë të gjatë për Gazzetta dello Sport, ai u pyet gjithashtu për pozicionin e tij në fushë dhe se si ndihet që duhet të zëvëndësojë Tonalin.
Ku do të luaj Reijnders në 4-3-3-shin e Piolit, do të jetë regjizor apo fantazist?
Më pëlqen të luaj si numër 8-sh, si mesfushor. Gjëja që bëj më mirë është të jem një lojtar box-to-box, efektiv në defansivë dhe në gjysmëfushën kundërshtare. Më pëlqen të ndërtoj lojën, të jem kreativ. Ndihem më mirë në krahun e majtë të mesfushës.
Duhet të menaxhosh situatën post-Tonali, lojtarin e preferuar të tifozëve. Ndjeni presion?
Zero. Sinqerisht nuk ndjej presion. Dua të jem vetvetja brenda dhe jashtë fushës.
Lexo gjithashtu
