Remzi Ejupi është nderuar nga presidenti i Republikës së Shqipërisë me titullin “Kalorës i Urdhrit të Flamurit”. Lajmi bëhet me dije nga klubi i Prishtinës që përmes një njoftimi në kanalin zyrtar
tregon se i pari i shtetit tonë i ka dhënë merita për themelimin e ansamblit “Kosova djep lirie”. Ditë e veçantë për presidentin e klubit të Prishtinës që merr këtë nderim të veçantë nga një zyrtar i rëndësishëm siç është Ilir Meta. Në postimin e bërë në faqen zyrtare shkruhej:
"Remzi Ejupi nderohet nga presidenti i Shqipërisë, Ilir Meta, me titullin “Kalorës i Urdhrit të Flamurit”
Presidenti i Shqipërisë, Ilir Meta, ka dekoruar me titullin “Kalorës i urdhrit të flamurit” presidentin e FC Prishtinës, Remzi Ejupi, për meritat e tij në themelimin e ansamblit “Kosova djep lirie”.
Ejupi i ka shërbyer gjithmonë idesë së formimit të një hapësire ekonomike mbarë shqiptare, ka mbështetur sportin, Kombëtaren e Shqipërisë e shumë aktivitete të tjera.
Presidenti Meta u shpreh se ndjehet i lumtur që e nderoi një personalitet si Remzi Ejupi duke thënë se ai është frymëzim që shqiptarët të punojnë gjithmonë së bashku.
Vetë Ejupi, pasi falënderoi Rifat Jasharin, Ilir Metën, Isa Mustafën dhe të pranishmit e tjerë në ceremoni, tha se ky çmim është nder i madh për të dhe familjen e tij”.
Lexo gjithashtu
