Ekipet arabe vazhdojnë merkaton e tyre fantastike. Ata nuk po ndalohen këtë merkato ku vazhdojnë dita ditës duke afruar emra të mëdhenj të futbollit në ligën e tyre dhe gjithashtu duke shpenzuar miliona si në transferime dhe paga.
Një nga emrat e fundit që është përfolur për një kalim në Arabinë Saudite është edhe Ciro Immobile. Sulmuesi italian është lidhur me disa klube arabe që janë të gatshëm për të transferuar kapitenin e Lazios. Por për të ardhmen e Immobiles ka folur presidenti i klubit italian, Lotito.
“Nuk kam marrë oferta zyrtare për Immobilen. Ai është si djali im, nuk është në shitje. E vetmja mënyrë për të më tunduar për Ciron do të ishte propozimi prej 50 milionë eurosh. Në fakt nuk do të isha i sigurt as për atë shumë”, ka thënë presidenti i Lazios.
Lexo gjithashtu
