Në fjalën e tij në Asamblenë e Përgjithshme të FSHF-së, presidenti i këtij institucioni, Armand Duka është shprehur: “Ju përshëndes të gjithëve për pjesëmarrjen tuaj. Në këtë Asamble të Përgjithshme do të na duhet të flasim për problematikat e futbollit, të vendosim piketat për të ardhmen dhe gjithashtu do të flasim edhe për arritjet në futbollin tonë.
Dy kanë qenë ngjarjet më të mëdha gjatë 2016-ës në futbollin shqiptar.
Së pari, pjesëmarrja e Kombëtares në ‘Euro 2016’ dhe pranimi i Kosovës në FIFA dhe UEFA. Pjesëmarrja në Francë e ekipit tonë përfaqësues ishte një arritje historike. Dua të falënderoj ekipin, trajnerin dhe sigurisht tifozët kuqezi.
Arritje të mëdha ka pasur edhe në rang klubesh, siç ishte rasti i Partizanit që kaloi dy ture në Europë.
Kategoria e Parë ka pasur rritje të nivelit dhe kualifikimi i Besëlidhjes në gjysmëfinale të Kupës së Shqipërisë tregon se diferenca e kësaj kategorie me Superligën është ulur ndjeshëm.
Futbolli i moshave U17 dhe U19 ka treguar se është në rritje dhe e ardhme e sigurt për klubet shqiptare.
Ekipet e moshave të Kombëtares kanë arritur të jenë faktorë suksesi, ashtu si edhe futbolli i femrave që po njeh identifikim në rolin e saj.
Për sa i përket problematikave, sigurisht që terrenet mbeten shqetësim, edhe pse ka pasur investime për të thënë të vërtetën.
Trukime e ndeshjeve janë ulur, por për fat të keq nuk është zhdukur.
Një tjetër problem është edhe shfaqja e akteve të dhunës. Grupime të ndryshme tifozësh tejkalojnë limitet duke krijuar akte dhune. Do të marrim masa për të kontrolluar situatën.
Për sa i përket gjykimit, edhe pse ka pasur kontestime, mund të them se është rritur niveli i gjykimit në futbollin shqiptar.
Në rrugën e përmirësimeve të infrastrukturës së stadiumeve kemi nisur me përfundimin e punimeve në ‘Loro Boriçi’, i cili është një stadium model pas ‘Elbasan Arena’. Jemi duke ndërtuar një stadium gjigant si ‘Arena Kombtare'”, tha presidenti i FSHF-së, Armand Duka.
Loading ...
