Tomori ka siguruar edhe matematikisht zonën e promocionit në Kategorinë e Parë, grupi B. Beratasit e ardhur nga e Dyta kanë bërë një grup simpatik, teksa janë në ndjekje të Egnatias kryesuese. Donatori i Tomorit, Gramoz Toto ka gëzuar lojtarët dhe stafin e beratasve, duke premtuar se për çdo fitore do ketë premio.
Fitorja me Turbinën ka ngrohur drejtuesit, që kanë "hapur thesin". Faza e dytë e kampionatit ka edhe dy javë, me Tomorin që luan me Besën dhe Egnatian. Tanimë me një motiv më shumë, Tomori pritet të ketë më shumë angazhim në fushë.
Faza e ardhshme e kampionatit do luhet në dy grupe, në zonën e promocionit në elitë dhe qëndrimin në kategori, me skuadrat që do iu përgjysmohen pikët për të vijuar më tej garën. Tomori është një ndër pretendentët kreyesorë për ngjitjen në elitë.
Lexo gjithashtu
