Ndeshja Tirana – Bylis vijon të jetë më e përfolura në kampionatin shqiptar. Barazimi 2-2 i bardhebluve ndaj mallakastriotëve i ka ndalur në luftën për titullin kampion duke i dhënë asist Partizanit që tanimë është vetëm 90 minuta larg trofeut të shumëpritur.
Megjithatë në “gijotinë” është vendosur Kridens Meta për penalltinë e akorduar në favor të Bylisit. Gjyqtari i kolegjiumit të Tiranës u dhunua nga tifozët pas takimit, ndërsa organi i drejtësisë sportive ka çelur një hetim disiplinor për klubin bardheblu.
Megjithatë, po të kthehemi pas në kohë, Kridens Meta nuk është një emër i panjohur për kryeqytetasit. 6 vite më parë, Tirana mposhtej në derbi nga Partizani dhe arbitër kryesor ishte pikërisht Meta. Gjyqtari kuksian sërish protagonist me një gol të dyshimtë për të kuqtë. Asokohe klubi i Tiranës kërkonte publikisht dënimin e Kridens Metës. Në kanalet zyrtare të komunikimit, klubi me ekipin më të titulluar në vend shkruante:
“KF Tirana denon ne menyre te perseritur gjykimin. Sot Kridens Meta vendosi se bashku me ndihmesit e tij rezultatin e ndeshjes duke lejuar nje gol te parregullt, mohuar nje 11-metersh dhe ndikuar ne menyre konstante kunder Tiranes. Nuk eshte rastesi qe ne dy vitet e fundit eshte akorduar vetem nje 11-metersh ne 58 ndeshje, ashtu sic nuk eshte rastesi qe te njejten gjyqtare rikthehen per te vendosur ate qe kane paracaktuar. KF Tirana denon publikisht gjithcka ka ndodhur sot ne nje ndeshje qe nuk meritonte te mbyllej ashtu. KF Tirana do te kerkoj ne Federaten Shqiptare denimin e gjyqtarit Kridens Meta dhe ndihmesve te tij qe sot percaktuan humbjen”.
[caption id="attachment_694303" align="alignnone" width="746"]
Postimi i klubit të Tiranës[/caption]
Lexo gjithashtu
