Prapaskena/ Portugalia u ngujua në hotel, shkak tifozët

Kampionja e Europianit, Portugalia mbrëmjen e djeshme është ngujuar disa orë në hotel, pasi gjithë tifozët ishin mbledhur rreth vendit ku po qëndronin heronjtë e “Stade de France”. Mirëpo situata agravoi, pasi tifozëve portugezë iu afruan ata francezë, ku pati një përleshje mes tyre. U desh ndërhyrja e policisë franceze që tifozët të shpërndaheshin, për tu mbledhur ditën e sotme para hotelit të luzitanëve. Me të dalë nga vendqëndrimi i tyre, heronjtë portugezë u përshëndetën mes tifozët e tyre, ku ndaluan për disa minuta duke shkrepur fotografi me trofeun e Europianit. Më pas skuadra portugeze iu drejtua autobuzit ku u nisën drejt aeroportit francez. Ditën e sotme priten të kthehen në atdheun e tyre.