Portugalia synon finalen, Gomes di si ndalet Bale

Andre Gomes i Portugalisë është i bindur se ekipi i tij do ta mposhtë Uellsin në gjysmëfinale të Euro 2016. Portugalia ka arritur pa shumë merita drejt kësaj gjysmëfinale, po kjo si pengon portugezët të tentojnë të marrin maksimumin në këtë kompeticion.

Mesfushori i Valencias thotë se ekipi i tij mund të ndalë rrezikun potencial nga Gareth Bale dhe t’i kundërvihet uellsianëve.

“Jemi duke u përgatitur për t’u përballë ndaj Uellsit të fortë. Ata sulmojnë shumë mirë, kanë kundërsulme të mira, por ne do të përdorim armët tona më të mira për t’i mposhtur të mërkurën. E dimë se Bale është futbollist i rëndësishëm, siç është Ronaldo për ne, por nuk besoj se do të duhet të kemi kujdes të veçantë”, ka thënë Gomes në konferencën për media.

Përballja do të luhet nesër në mbrëmje dhe fituesja e ndeshjes do të jetë e para finalistë e Europianit.