Marrëdhëniet mes Paul Pogba dhe Juventus tashëm janë në nivelin e tyre më të ulët. Që kur francezi është rikthyer te bardhezinjtë asgjë nuk ka shkuar siç duhet. Dëmtimet e tij të shumta kanë bërë që ai të humbasë 34 nga 37 ndeshje sezonale deri më tani.
Tani ai pësoi edhe një dëmtim tjetër dhe mund të mungojë edhe 1 muaj tjetër. Ai sapo ishte rikthyer dhe u aktivizua në 2 ndeshje. Shqetësimi muskular i fundit ka bërë që klubi bardhezi të rishikojë marrëdhëniet me mesfushorin. Kontrata e tij është e rëndë për klubin duke parë dhe problemet e tyre të fundit.
Sipas “Gazzetta dello Sport” Juventus mund të shkëpusi marrëdhëniet me Pogba në fund të sezonit ashtu siç ndodhi vitin e kaluar me Dybala. Kur të mbaroj sezoni palët do të ulen edhe një herë në tavolinë për të diskutuar të ardhmen e 29 vjeçarit.
Lexo gjithashtu
