Juventusi ia doli të fitonte në shtëpi përballë Sassuolos në ndeshjen e vlefshme për javën e 20-të të Serie A. “Zonja e Vjetër” triumfoi pastër, duke mposhtur skuadrën e Nedim Bajramit me rezultatin 3-0. Një ndeshje mjaft e mirë për “bardhezinjtë” që marrin një 3 pikësh mjaft të rëndësishëm dhe ndjekin hap-pas-hapi Interin kryesues.
Pas kësaj sfide, trajneri i Juventusit, Massimiliano Allegri foli para mediave, duke u shprehur se edhe pse fituan me një rezultat të tillë nuk ishte një ndeshje e thjeshtë. Ai madje u ndal edhe tek derbi përballë Interit që do të luhet me 4 shkurt.
Ndeshja me Sassuolon? – “Nuk ishte një ndeshje e thjeshtë sepse Sassuolo gjeti zgjidhje që na vunë në vështirësi, duke e detyruar Szczesnyn të bënte dy pritje të mira. Kemi 49 pikë dhe po mendojmë për Leccen, të punojmë dhe të qëndrojmë të heshtur”.
Derbi me Interin? – “Duhet të qëndrojmë të qetë. Është një ndeshje e vështirë jashtë fushe ndaj Leçe, por ndërkohë ne e kemi lënë vendin e pestë me 16 pikë prapa. Nuk po mendojmë për derbin e Italisë, por për Leccen. Është si ajo loja me policët dhe hajdutët, ku hajdutët ikin dhe rojet i ndjekin”.
Lexo gjithashtu
