Superkupa e Italisë vë përballë sërish Milan dhe Interin në një derbi që si gjithmonë pritet të dhurojë spektakël me emocionet që nuk do t ëmungojnë. Këtë herë derbi i Madonninës do të luhet në Arabinë Saudite ditën e nesërme duke nisur që nga ora 20:00 dhe që konsiderohet mjaft i rëndësishëm për kuqezinjtë.
Stefano Pioli pas titullit kampion me kuqezinjtë do të kërkojë të sigurojë edhe trofeun e Superkupës përballë rivalëve të përjetshëm, Interit.
“Të fitosh është shumë e rëndësishme. E nisëm vitin e shkuar ndërsa tani duhet t’i japim vazhdimësi, kjo do të thotë të përforcojmë mentalitetin tonë si fitues. Java e fundit nuk ishte më e mira, por nesër është një tjetër histori, është një derbi, është vetë historia. Nëse në mes i fut dhe një trofe i shton edhe më shumë vlerën kësaj ndeshje”, u shpreh Stefano Pioli në konferencë për shtyp.
Lexo gjithashtu
