Vllaznia do të sfidojë Skënderbeun ditën e sotmë në orën 17:00 në Korçë për të zhvilluar ndeshjen e javës së 9-të të Superiores. Shkodranët po kalojnë një krizë rezultatesh teksa në 3 ndeshjet e fundit kanë marrë vetëm 1 pikë dhe ndodhen në vendin e 7-të me 9 pikë.
Trajneri Migen Memelli është me ‘dhimbje koke’ teksa reparti i mbrojtjes ‘boshatiset’ pasi 4 lojtarët, Smajli, Spahija, Hakaj dhe Asani do të mungojnë ditën e sotme. I pari është i pezulluar për shkak kartonësh ndërsa 3 të tjerët vuajnë nga dëmtimet duke e çuar në 7 numrin e mungesave.
Për ta bërë më të vështirë këtë situatë, është edhe çështja Mehdi Çoba me drejtuesit që kanë pezulluar sulmuesin shkodran për një debat që ai ka patur me trajnerët për shkak të pozicionit ku luan në fushën e lojës. Lojtari është shprehur për shtypin e shkruar se është i dëmtuar dhe nuk është në dijeni të një pezullimi të tillë.
Formacioni i mundshëm:
Vllaznia (4-3-3): Mehidri; Dragoshi, Juric, Stojanovic, Sala; Alivoda, Boshnjaku, Mala; Gruda, Balaj, Dodev
Trajner: Migen Memelli
Lexo gjithashtu
