Petkovic: Shqipëria na vuri në vështirësi, fitore me rëndësi

Trajneri i Zvicrës, Vladimir Petkoviç nuk e kishte parashikuar që të shkonte kështu një ndeshje me Shqipërinë, mbi të gjitha edhe presionin dhe volumin që ushtroi ekipi kuqezi. Në fund ai u kënaqet pikëve, teksa thekson se të tijët patën raste për të shënuar, por nuk i shfrytëzuan. “Në fund ne arritëm te fitorja. Në disa momente u ndodhëm në vështirësi. Duhet ti gëzohemi kësaj që arritëm. Patëm disa raste, por edhe kishim fat në këtë ndeshje. E komplimentoj shqipërinë sepse bëri lojë të mirë dhe na bëri që të vuajmë. Vëllezërit Xhaka kanë bërë ndeshjen e tyre, ata janë lojtarë të tipeve të ndryshëm dhe bënë më të mirën për skuadrat e tyre, pasi iu përshtaten ambienteve ku ndodhen”, është kjo deklarata e boshnjakut që drejton Zvicrën.