Pesë klube në kaos, UEFA nuk jep asnjë verdikt zyrtar për Europën

Lajmi i fundit për pezullimin e dënimit të klubit Skënderbeut, ka bërë që pesë klubet të Superiores, të jenë në kaos. Bëhet fjalë për Skënderbeun, Partizanin, Tiranën, Teutën dhe Kukësin. Megjithëse klubi Korçar ka zyrtarizuar vendimin nëmpërmjet një postimi në “Facebook”, akoma nuk ka një qëndrim zyrtar nga ana e UEFA-s dhe Federatës Shqiptare të Futbollit për këtë çështje. Kur u përfol që klubi korçar të mos merrte pjesë në Champions League, Partizani zhvendosej automatikisht në vend të saj, si ndjekësja më e afërt në kampionat dhe bardheblutë e Tiranës të zhvendoseshin një vend më sipër, duke u bërë pjesë e Europa League. Por duke qenë se klubi Skënderbeu doli me një deklaratë zyrtare, kjo ka sjell që skuadrat e Superiores të futen në një gjullurdirë të vërtetë. Priten orët në vazhdim për të mësuar konkretisht se si do të përfaqsohen skuadrat e Superligës Shqiptare në kupat e Europës.