Milan ia doli të “hakmerrej” ndaj PSG-së në Champions League, me kuqezinjtë që trimfuan 2-1 ndaj francezve. Italianët bërë një ndeshje relativisht të mirë ndaj PSG-së, teksa Leao dhe Giroud përmbysën rezultatin.
Pas kësaj ndeshje Stefan Pioli do të ishte mjaft i kënaqur me të tijtë, teksa theksoi se bënë një ndeshje të shkëlqyer. Ndër të tjera kishte elozhe edhe për Leaon.
“Ajo kundër Udineses ishte një nga paraqitjet tona më të këqija, por ne bëmë atë që duhej të bënim sonte, duke reaguar me shpirt, guxim dhe duke ditur se duhej të bënim një përpjekje të jashtëzakonshme të gjithë së bashku kundër një ekipi të jashtëzakonshëm.
Duhet të lavdëroj djemtë për punën dhe performancën e shkëlqyer. E dinim se kjo ishte një lojë e rëndësishme për grupin, tani do ta kemi atë në terren me Borussia Dortmund.
Unë besoj se shumë herë mënyra se si skuadra flet me njëri-tjetrin është më efektive sesa ajo që mund t’u thotë trajneri. Ndonjëherë nuk ishim aq energjikë, aq të vendosur dhe aq të fokusuar. Thjesht u përpoqa t’u kujtoja cilësitë e tyre, aftësitë e tyre dhe se ata mund t’i dhuronin fansave një natë të tillë.
Është e qartë, unë gjithmonë do të doja të shihja një Milan si ky. Fatkeqësisht, mendoj se e kemi marrë shumë gabim qasjen kundër Udineses, por skuadra ka një shpirt. PSG luajti mirë, e mbajti topin më shumë dhe kjo ishte pjesërisht një zgjedhje taktike.Ne përsëri patëm shanset për të shënuar shumë më shumë gola sesa bëmë, kështu që është vetëm një hap i vogël përpara. Unë thashë kur u hodh shorti që ky grup do të vendosej në ndeshjen finale dhe i qëndroj kësaj.
Leao lojtar i ndeshjes? Rafa duhet ta arrijë atë standard gjatë gjithë kohës. Ai mund të jetë kampion, por varet nga obsesioni për të luajtur në atë nivel në çdo ndeshje”, theksoi Pioli për “Sky Sport”.
Lexo gjithashtu
