Tirana i është nënshtruar sot testeve për Covid-19. Klubi bardheblu, lojtarët dhe stafi që kanë qenë pjesë e transfertës me Bylis, sapo i janë nënshtruar tamponëve, ndërsa pritet që sot pasdite të udhëtojë drejt Gjirokastrës për ndeshjen ndaj Luftëtarit.
Procedura e testeve ka zgjatur afro një orë, ndërsa kjo ka ndodhur në ambientet e “Selman Stërmasit”. Rezultatet e testeve do të dalin pas 12 orësh, ndërsa në varësi të tyre do të merret vendimi për ndeshjen e javës së 28-të.
