"Pushimet" për Gennaro Gattuson mund të mbyllen së shpejtë. Ish trajneri i Napolit është pa punë pasi aventura e tij te Fiorentina këtë sezon u mbyll pa nisur pasi ai u përplas me drejtuesit e klubit në merkaton e verës.
Mediat italiane bëjnë me dije se 43-vjeçari ka marrë një ofertë nga skuadra e Serie A, Genoa që e ka nisur sezonin në mënyrën më të keqe. 1 fitore, 2 barazime dhe 4 humbje në këto 7 javët e para kanë bërë që pronarët e rinj "777 Partners" të mendojnë për një trajner të ri dhe emri i Gattusos është i pari në listën e tyre.
Genoa do të luajë ndaj Sassuolos këtë fundjavë dhe në rast të një rezultat negativ, trajneri Davide Ballardini pritet të largohet me Gattuson që bëhet gati për r'u rikthyer në Serie A.
Poll
Lexo gjithashtu
