Kukësi do të përballet nesër me Apoloninë në orën 13:00 në Kukës Arena për ndeshjen e kthimit të cerekfinaleve të Kupës së Shqipërisë. Ndeshja e parë përfundoi në barazim pa gola dhe nesër dy skuadrat luajnë kokë më kokë për kualifikimin.
Verilindorët për të pasur mbështetjen maksimale të tifozëve, i kanë bërë një dhuratë teksa stadiumi do të jetë me dyer të hapura nesër. Pra, bileta për të parë ndeshjen do të jetë falas. Fitimi i Kupës është rruga e vetme për Kukësin për të patur një shans për të arritur Kupat e Europës teksa në kampionat duket shumë e vështirë.
