Kryeministri Edi Rama ka bërë me dije se prej 6 korrikut vendi ynë do të jetë mikpritëse e varkave me vela.
Përmes një postimi në rrjetet sociale, Rama tha se për 4 ditë rresht që prej 6 korrikut, Gjiri i Vlorës do të “pushtohet” nga varkat me vela, të cilat do të nisen nga Brindzi. Gjithashtu, kryeministri Rama zbuloi se në këtë ngjarje sportive për herë të parë do të garojnë edhe dy varka shqiptare.
“Për 4 ditë rresht prej 6 korrikut Gjiri i Vlorës do të “pushtohet” nga varkat me vela të cilat do të nisen nga Brindizi.
Një ngjarje sportive që këtë verë mbush 12 edicione që për këdo që adhuron sportet e ujit ose ka dëshirë të sodisë një pamje romantike si ajo e varkave me vela mund të kalojë nga Marina Orikum në këto ditë, ku për herë të parë do të garojnë dy varka shqiptare”, shkruan Rama.
Lexo gjithashtu
