Nazmi Gripshi është një nga lojtarët kryesor të Skënderbeut këtë sezon. Mesfushori në një intervistë për “RTSH Sport”, ka folur për rikthimin e stërvitjeve dhe kampionatin. Gripshi beson se me stërvjtet dhe programin e trajnerit Daja do të rikthehen sërish në formë.
“Ishte shumë e vështirë pasi jemi stërvitur shumë kohë në shtëpi. Kam qenë më fat që kam qenë në Durrës pasi po stërvitesha edhe në “Tropikal”, por shyqyr që jemi rikthyer në stërvitje me grupin.
Nuk e di arsyen përse nuk po rifillonte futbolli, por po të shikosh në media njerëzit po kërkon rikthimin e futbollit pasi është sporti më i bukur dhe më i ndjekur.
Shpresoj që mos të ndikoj farë kjo ndalesë, por mendoj se do të ndikoj pasi janë shumë kohë pushime. Me programin e trajnerit Dajës do të jemi në nivel të mirë fizik dhe do të jemi në formë siç ishim para se te mbyllej sezoni nga pandemia”.
Lexo gjithashtu
