Panajot Qirko u afrua te Partizani në verën e këtij viti, pasi kartoni i tij u ble nga Teuta. Gardiani fitoi besimin e drejtuesve të kuq gjatë fazës përgatitore, të cilët i lidhën kontratë deri në verën e vitit 2027.
Bashkë me Alban Hoxhën ia kanë dalë që të kenë portën me më pak gola të pësuar. Statistikat e Qirkos bien në sy gjatë këtij kampionati. Kjo sepse ka pësuar vetëm 1 gol, në 4 ndeshje të aktivizuara.
Goli erdhi në ndeshjen kundër Vllaznisë. Në fund kishte vlerë për statistika sepse Partizani korri fitore 4 me 1. Sezonin e kaluar Qirko dalloi te Teuta, duke e mbajtur portën e paprekur 16 herë si askush tjetër.
Këtë kampionat, merr pjesë me Partizanin në tri fitore dhe barazimin e fundit me Egnatian, ku ishte vendimtar me disa pritje. Ndoshta akoma shpejt për t'u thënë, por porta e Partizanit po fiton garanci dhe pse jo pasardhësin e denjë për Alban Hoxhën.
Lexo gjithashtu
